„Сликовницата на Халки“ е првата македонска сликовница која низ приказна го објаснува токму процесот на создавање сликовница – од идеја до комплетна книгичка.

Илустраторот Трајче Павлов со многу љубов ја работеше секоја од илустрациитево класична техника. Креативниот тим посебно внимание посвети на мисијата на ликот - слончето Халки, која не завршува само со едукација за детското штедење, туку и со многу важни теми од денешното живеење. Халки, заедно со неговите другарчиња, низ многуте авантури ги едуцираат децата за чистата животна средина, инклузијата, правото на квалитетно образование за секое дете, важноста на читањето книги.

Читањето на „Сликовницата на Халки“ може да биде влез во нова возбудлива авантура за вашето дете.  А, купувањето на „Сликовницата на Халки“ е поддршка и за децата кои растат без родители и родителска грижа.